岑智明強調地震無法預測，外國的機制為地震發生後跟地震波鬥快通報。資料圖片
中國東南部近岸惠東對開水域，凌晨2時29分發生一次4.1級地震，震央位於香港東北偏東約92公里。截至今早收到過萬名市民報告，表示感受到震動。天文台初步分析顯示本港的地震烈度為修訂麥加利地震烈度表的第IV (四)度，即懸掛的物件擺動。門、窗、碗碟發出響聲。不少市民就質疑天文台及政府沒有利用手機發出緊急警示，前天文台台長岑智明在社交網站強調「兩個事實」，「地震無得預測；因此任何通報只能在事後發出」。
有網民留言提出，「咁日本地震前十秒預警系統係乜？」。岑智明解釋，「哩個唔係預測，只係同地震波鬥快，破壞力強嘅地震波會行得慢少少，所以係監測到第一個行得快D嘅波（P-wave）到達時間之後可以發出警告。10秒與否視乎地震距離，如果地震發生係我地果度，基本上唔會有時間差。」他又補充，「P-wave 速度約每秒6.5公里，慢啲嘅波都有每秒3.5公里。」，「如果距離超過200公里，地震速報可以有1分鐘預警。不過，要對200公里外嘅地震做走避即係代表個地震係好勁。日本的確有需要，有條件（防災教育、演習等），香港呢？」
有網民認為「所以最少出個事後alert 」，他對此「質疑事後出還是alert嗎，只係得個知字。」
有網民就稱，「台長，咁樣地震真係防不到⋯⋯只能自求多福」。岑智明對此解釋，「日本嘅地震速報都有啲用，不過係地震頻發嘅地區先有意思，否則會做成恐慌。」有網民亦指，「香港無相關知識同實戰經驗，死硬。M4.1 香港大眾都咁大反應，放係台灣日本根本無人會理，成日都有見怪不怪。」岑智明認同說，「香港以往都試過因為有地震嘅謠言而引起恐慌，所以要小心處理。」
立即下載｜全新《星島頭條》APP：https://bit.ly/3yLrgYZ
