毛舜筠（毛姐）日前於其YouTube頻道透露已成功返港，片中大呻受盡「熔斷機制」折磨，令她未能在加拿大坐直航機返港，反而要飛去曼谷留14日過冷河兜路返香港。更因為計漏加拿大有時差，去到曼谷機場因未外遊史未夠14日，而未能上機，要再改機票同隔離酒店入住日子。由慢活的泰國，連上酒店房為隔離者做檢測都會預先通知，到返嚟香港，冇通知下被檢疫人員狂拍門催做檢測，毛姐就大呻好緊張同煩躁。
毛姐去年底同老公區丁平飛加拿大探兩個女。
毛姐日前終於返港，拍片呻隔離酒店的檢疫人員工作方式令她很緊張同煩躁。
由於毛姐條片都幾多網民睇，唔知檢疫單位係咪都有睇毛姐條片嘞！他們極速作出改善，直情換埋人上房搵毛姐做檢測，都幾抵讚。毛姐昨日（13日）於IG限時動態分享在酒店的隔離生活，「今日嚟做檢疫嘅哥哥同前幾日嘅360度唔同晒，斯文有禮。」仲話因此心情大靚。
睇嚟檢疫人員都有睇毛姐條片噃！
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
