林盛斌(Bob)最近一家六口搬屋，搬離住咗3年、被C君形容「大過地球」嘅九龍塘四層舊屋，搬進附近一間豪宅，除咗新屋風水好，仲可以畀更多空間子女。見於疫情下大家都留家抗疫，Bob就多咗時間陪伴子女，多咗親子時間，佢仲教子女玩童年時簡單遊戲「天下太平」，不過，好多網民對呢個咁old school嘅遊戲話唔記得，甚至唔識玩。
步入少女階段嘅大女霏霏唔鍾意出鏡。
Bob三個千金相親相愛
4子女行動一致。
噚日阿Bob喺社交網貼上遊戲紙，「投訴」話：「同佢哋(子女)玩『天下太平』係完全冇意思嘅，根本成件事就係集體欺凌我………」只見子女槍頭一致指向呢位慈父，網民留言「硬食啦」、「他們有共同目標爸爸」、「共同殲滅敵人」、「有時會畀小朋友贏晒等佢哋開心」、「贏輸無問題只係過程中教育同感受簡單遊戲係幸福」、「你咁大隻怕咩欺凌呀，佢哋唔欺凌你咪又唔膠興」。至於前E-Kids成員林詠倫(Alan)取笑他變成一條可憐嘅希靈魚。
阿Bob成為子女攻擊對象。
家人係阿Bob努力嘅動力。
之前阿Bob為家人搬新居，新屋書房好光猛。
更多第5波疫情資訊，請到以下專頁瀏覽 (按此)
立即下載 | 全新《星島頭條》APP : https://bit.ly/3yLrgYZ
