網民向朋友借出10盒快測後全家染疫，對方堅持歸還，但網民擔心受污染。示意圖片

有網民在「親子王國」討論區發文，之前向朋友借出10盒快測包後，對方全家染疫，結果對方康復後堅持歸還10盒快測包，但網民擔心物品會沾染到病毒，拒絕又怕傷感情，所以感到左右為難。

發文者指，朋友之前懷疑「中招」，所以借出10盒每盒25元的快速測試給對方，因對方家中人多，結果朋友一家都確診。近日對方已經康復，打算從家中歸還10盒快速測試。

發文者稱，「其實我無諗住要佢還，但佢一定要還畀我」，發文者擔心接收確診者的物品會帶有病毒，「全部十盒都係佢屋企攞返來。不過每盒都有個盒，應該唔要個盒就得，但都有啲驚」。

有網民提議叫對方只需要支付現金就可，但發文者擔心「但我咁講好似擺明唔想要咁，佢又要質畀我」，又指「佢話唔夠用佢再問我借，佢一定要先還畀我」。有網民就覺得，「用酒精抹一抹咪得囉，平時買嘢返嚟我都會消毒下先放入屋」、「噴下消毒就無事，出面街都有機會有菌」、「其實你係街買返黎，都一樣可能有啲有菌嘅人掂過摸過啦～搭地鐵巴士，總有人係隔離係帶菌，唔通啲人摸到你個袋，你又成個袋唔要？」

最後發文者補充，「我見佢畀袋野我，我已經驚一驚，點知佢真係還返十盒快速測試畀我，叫佢唔洗還佢又唔肯，我又唔好意思係佢面前噴袋野，唔要又驚傷感情，唯有照攞」。之後「掉咗個盒，其他細細包嘅工具就再噴每個獨立包裝嘅袋」。

帖文轉載自「親子王國」討論區