個個都Work from home，缺少運動之下成身脹晒，可能到「出關」之時要全部衫褲換大一個碼！唔想身體自我膨脹，就不如Work from home之餘也Workout from home！有線寬頻集團推出「有線陪你在家開心啲」，實行與市民攜手抗疫，其中「運動Keep Fit啲」系列的網上直播課堂《有線星級學堂：輕鬆在家gym》逢星期一至五早上8時30分開始都有不同訓練，而香港開電視更特別為觀眾剪輯課堂精華片段，3月16日起早上8時至8時半於免費電視77台播映《有線星級學堂：輕鬆在家gym》。每日自己一個人睇電視節目做又得，同小朋友一齊跟著網上課堂做又得，一於大家在家運動Keep Fit啲，保持健康體魄趕走疫情！
星級運動員陪你做運動
在家工作太耐，都需要運動Keep Fit啲，最好就跟專家操練，減少受傷機會兼可事半功倍。《有線星級學堂：輕鬆在家gym》就找來專業體能教練曾德誠Hamo (蝦毛) 帶領大家操練。每日早上8時半於香港開電視官方Facebook及Instagram網上直播課堂，蝦毛會聯同一眾香港運動員，包括前軟式飛鏢世界盃冠軍梁雨恩、香港花式滾軸溜冰代表蔡穎怡、2006多哈亞運羽毛球女單銀牌得主葉姵延等，連續兩星期日日開班陪你運動Keep Fit啲，有咁多運動猛人一齊做運動，無藉口偷懶啦！
親子運動家庭樂玩住keep fit
至於想做多些瑜伽或體能運動的朋友，緊接的9時半繼續有專業教練開班，「型男美女健康生活」課堂教授一些簡單在家運動，最適合女士們keep住理想身形甚至升呢！想全家人一齊做？一樣冇難度，11時半時段，凝動香港運動基金會即場示範一家大細都可以參與的運動，既可以為提早放暑假在家的小朋友放電，也可以家長一齊做促進親子關係。此外，逢星期五更有星級運動員全家動員，其中前港隊「女飛魚」伍劭斌和兒子將於3月18日登場，而3月25日亦有訓練出香港網球新星黃澤林的前網球女將湯嘉寶，同仔仔一齊操練，到時一定十分熱鬧。
不要以為運動員才要Keep Fit啲，《有線星級學堂：輕鬆在家gym》所有活動絕對適合男女老幼一齊動起來，鼓勵大家在家運動增強抵抗力，連有線寬頻行政總裁黃思遠 (Stephen)日理萬機，都抽空身體力行同蝦毛上堂，請教如何在家都可以Keep Fit啲，你都不要錯過難得機會，一齊輕鬆在家gym啦！
網上直播課堂《有線星級學堂：輕鬆在家gym》
日期：3月14至3月25日 (逢星期一至五)
時間：
8:30 – 9:30 星級運動員陪你做運動
9:30 – 10:30型男美女健康生活
11:30 – 12:05 親子運動家庭樂 （逢星期五將有星級運動家庭參與，節目延長至中午 12:30）
播放平台：香港開電視官方Facebook及Instagram
觀看Facebook直播：https://bit.ly/36lKIkR
節目重溫：https://bit.ly/3iaxZUV
節目《有線星級學堂：輕鬆在家gym》3月16日起早上8時至8時30分於香港開電視77台播映。
