黃宗澤（Bosco）順利衝出亞洲，殺入紐約時代廣場鬧市巨幅屏幕，以大張型仔相配以其名字普通話拼音「Huang Zongze」，在眾廣告屏中顯得相當搶眼。
Bosco今次是為內地時裝雜誌拍攝了一輯靚相，聯同林心如、昆凌、陳妍希、陳意涵等，以封面形式安排在大屏幕宣傳，意外殺入紐約鬧市走入外國人視野中，因此Bosco收到消息時也感到驚喜。他笑說：「係呀好開心，其實我都唔知，我半夜收工返到家收到朋友通知我，原來上了屏幕我都嚇了一跳！我都未知甚麼事，然後自己睇了好耐，也開心了好耐，首先覺得好榮幸，可以上到這些大型屏幕，感覺好難得。」
Bosco話收到朋友通知後睇咗好耐。
Bosco昨日才放炮製曲奇麵包的照片。
除了Bosco感到驚喜外，收到消息的朋友也替他開心，感受到一份認同。他表示：「第二日便開始收到朋友祝賀我、恭賀我，好似拎了一個獎咁！希望令到外國朋友也認識到香港的演員，可以睇《飛虎》（《飛虎3壯志英雄》）、哈哈，留意到這個人後搜尋吓，然後會去看《飛虎》我更開心呀，始終是一部好大的製作，絕對有國際級水準呀。」
Bosco不忘向外國朋友介紹正熱播劇集《飛虎3》。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
