唱作歌手吳林峰去年初憑歌曲《樂壇已死》為人認識，今年二月再推出新作《我也難過的》，幸而他完成新歌宣傳後才「中招」，可以乘機唞一唞，淨化心靈增加創作靈感。吳林峰為自己定下目標，有得寫(歌)就盡寫，最好train返一日寫一歌，最大心願可以寫歌畀陪伴他成長嘅陳奕迅去唱。採訪：方騫平 攝影：沈健程 髮型化妝：Daphy@daphymakeupp 服裝：DIESEL 場地：Tuve Hotel
吳林峰唔畀自己停落嚟，希望創作多啲作品。
其實吳林峰向來好少寫情歌，除咗愛情經歷唔多，都怕會沉悶，但今次換個角度出發，用真實故事講出唔開心及懷念過後要學會放下。
《我也難過的》MV找來張紋嘉(Crystal)及其男友林子傑演繹。
畀信心年輕歌手
吳林峰為MIRROR寫過歌，問到是否陸續有來？他即說：「多謝佢哋對我嘅信任，我覺得MIRROR唱我啲歌OK，每個作品我都好滿意，睇到佢哋付出過嘅努力及盡力，好似阿Jer(柳應廷)嘅《狂人日記》咁，我唱都辛苦啦！所以當日創作大唱反調嘅《樂壇已死》係想燃起火頭，希望畀到年輕人一啲信心，樂壇根本冇死過，講呢句話係不負責任，𠵱家嘅樂壇咪百花齊放囉，以MIRROR為例，成件事係犀利嘅。」
吳林峰大讚MIRROR好厲害。
因為《狂人日記》，吳林峰跟柳應廷成為好友。
另外，早前確診的吳林峰已康復及復工：「患病初期心情都幾低落，既矛盾且複雜，雖然可以休息吓，但有啲歌債未還，心入面都有啲驚，更加唔想自己停低冇得做音樂。」吳林峰冇特別多提確診後的治療過程，只說多咗創作靈感，都幾估佢唔到。
康復後出關心情舒暢。
他將逆境感受變成創作靈感。
因為Eason嘅歌陪佢成長，所以好想作歌畀佢唱。
更多第5波疫情資訊，請到以下專頁瀏覽
(按此 )
立即下載 | 全新《星島頭條》APP : https://bit.ly/3yLrgYZ
