早前網上流傳一段外傭自拍影片，用流利廣東話指責僱主，直斥「你有錢大晒呀？你而家試吓搵工人」，引起熱議。該名外傭近日再拍影片分享自己的看法，指外傭離鄉背井到香港打工亦不容易，希望僱傭雙方互相體諒，多些關心、少些責罵，同一屋簷下自然相處得開心。
該名外傭早前拍片，以一口流利的廣東話，一臉不屑斥責僱主，指現時市場求過於供，僱主難以聘請外傭，「你畀錢幾多啫，4千幾下嘛，4千幾有幾多，仲縛你24小時，吓！放假又無得放，仲講？無話有錢大晒呀下，你而家試吓搵工人，睇下公司有無人」，有關影片引起網民熱論，更獲得大量外傭支持。
該名外傭早前以流利廣東話指責僱主，引起熱論。網上影片圖片
該名外傭早於1個月前開設YouTube頻道，目前已有多達60條片，她在最新的影片回應指，許多外傭離鄉背井到香港，替僱主照顧一個家庭，特別有小朋友或長者是很辛苦，「佢自己家庭都冇人照顧，個仔都冇媽咪照顧」，故希望僱主可多關心及問候家中的外傭，「姐姐，你喺度做嘢係點，開唔開心？」，雙方互相體諒。
外傭再拍片盼僱主多關心少責罵。YouTube影片截圖
該名外傭亦透露，自己任職外傭逾20年，對上一位僱主於新加坡，在工作的6年間，該僱主對她如家人般關心，願意慢慢教她如何工作、甚至如何做人。即使她轉到香港工作後，前僱主在2017年12月特意從新加坡飛到香港探望她。
她希望僱主能夠耐心教導外傭，不要嚴厲指責，每個人都有自己的能力，做老闆亦應懂得大事化小，小事化無，不要太執著，「如果僱主對姐姐有良心，其實唔使驚！每個人都有心情，最緊要開心，唔開心邊個想幫你做嘢，老細都一樣」！
資料來源：YouTube頻道「contrinx\'s fansclub」
更多新冠疫情資訊請到以下專頁瀏覽：（按此）
立即下載｜全新《星島頭條》APP：https://bit.ly/3yLrgYZ
