伍允龍及安志杰為TVB節目《諸朋好友》做嘉賓，兩人被問及過去難忘的感情經歷，安志杰指出有段時間被人稱為某某男友好無奈，令人聯想到當年他與謝婷婷拍拖經歷。伍允龍亦有共嗚，雖然訪問中沒有提及女方的名字，但當年他與鍾嘉欣曾拍拖，之後更無疾而終。他直言：「當年我成日畀人叫茄喱啡、奀星，但其實我拍咗好多戲，亦好努力去做，好似《賭城風雲》一個鏡頭被車撞，我撞咗成25次，又試過由一樓跳落嚟差啲斷腳，但都冇人知，我唔係投訴，只係唔明白點解焦點會放喺同邊個拍拖。」
伍允龍為TVB節目《諸朋好友》做嘉賓。
有指他與鍾嘉欣曾拍拖8年。
崔建邦問他受負面影響點解不放棄那段感情？他說：「當年是開心嘅，只係對方因工作問題要收埋我少少，我ok嘅。（你覺得電視台畀咗壓力你哋？）我明嘅，當時佢好紅，而我係Nobody，因為工作要收埋我，呢一行係咁，但覺得過分咗去做呢件事，變咗個傷害喺我度。」不過今時不同往日，現在拍拖可以光明正大。
伍允龍（左一）其實拍過好多戲，但多年來都畀人叫奀星。
近年伍允龍拍咗唔少TVB劇集，開始入屋。
當年伍允龍被棒打鴛鴦承認有不滿及不開心：「係唔忿氣，但長大咗，過咗去喇，咁啱當時TVB有幾部劇搵我，但我經理人覺得唔適合推咗。」之後他遇到劇集《城寨英雄》成功入屋，他想入TVB去證明自己可以做到，有自己的價值，讓大家看到他的工作態度。
鍾嘉欣當年好紅，亦因為咁同伍允龍拍拖都要收收埋埋。
而家舊愛鍾嘉欣已有幸福家庭，希望伍允龍都快啲搵到幸福嘞！
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
