台灣女星徐熙媛（大S）早前宣佈光速再婚，對象竟是分手24年的韓星具俊曄，靠電話聯絡即決定結婚，真係十足睇偶像劇咁浪漫。前日（19日）具俊曄已經在台隔離完畢，現於大S家中進行7日自主健康管理，與大S相隔24年重聚。
大S日前宣佈同韓星舊愛具俊曄閃婚。
具俊曄已抵台隔離完畢，現正在大S家中進行自主健康管理。
大S前奶奶張蘭昨日（20日）又開直播，有網民就留言通知張蘭，「大S新婚洞房了。」張蘭之前被問及前新抱大S再婚一事，都表現得高EQ回應，似乎都知大S與兒子汪小菲分開已成定局。不過昨日直播睇見「大S新婚洞房」的字眼，就似乎刺激到她，竟回應：「誰笑到最後誰才是贏。」唔知係咪覺得自己講咗心嗰句，怕嚇親大家，即刻又補多句：「日子每天過得有滋有味就行了。」網民都覺得張蘭講咗心嗰句，笑她扮大方。
大S同汪小菲離婚未夠4個月就再婚，張蘭呢位前奶奶似乎仲未接受到。
有網民留言「大S新婚洞房」，張蘭衝口而出講咗真心話。
其實大S再婚已是事實，睇嚟張蘭都要接受嘞！不過她和兒子汪小菲的心情似乎都難免受影響，張蘭於直播中更大爆兒子最近失眠，「誰都會失眠的，別失憶就行，這都是經歷，都得挺過去！」有網民希望他們母子倆快啲走出來，不要再消費大S。
汪小菲日前以頹爆Look開直播，呢日阿媽張蘭就爆阿仔失眠。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
