姜濤童年時出名是個大肥仔，最高峰期更達200磅。昨晚，他在社交網派福利，貼出童年肥仔樣打籃球的照片，相中見他拿着籃球，一臉稚氣成身大汗，更在衣服的胸口位置加上一個心形圖案，非常可愛；他在另一張gif圖則貼出現他的靚仔樣，一頭黑人問號，留言問「Who are you？」相當搞笑。
姜濤今日靚仔有型，都不介意晒以前的肥仔相。
呢張學生照經常出現。
貼文一出，已火速吸逾10萬粉絲讚好，姜濤見反應熱烈，立即加碼，再於限時動態貼出多一張肥仔相。不少「姜糖」都興奮留言大讚偶像很可愛；隊友AK即留言笑指他：「飛釘」，Stanley則謂：「靚仔啲」並加了兩個釘釘符號。
加碼肥仔照。
驚你唔認得嚟個特寫。
林奕匡就留言叫姜濤看看他的童年照，原來林奕匡亦於自己的社交網貼了少年時戴眼鏡、拎住個色土風的照片，並笑謂：「唔開心時可以拎番呢張相出嚟笑。」
AK同Stanley留言。
林奕匡都嚟湊熱鬧。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
