第五波疫情開始回落，不少市民家中都儲備相當多物資未動用。網民在「香港討論區」討論區發文，發現家中囤積了大量不同顏色、牌子、規格的口罩，「懷疑阿媽癡咗線⋯ 我地屋企一家4口，每人每日帶兩個口罩 ，呢度應該用到出年都用唔晒⋯⋯ 點解要儲口罩！」。
發文者在帖文中如數家珍，足證其媽媽十分喜歡買口罩，起初「見到鐘意紫色又買兩盒用嚟襯衫」。之後媽媽「見到公仔圖案靚，又忍唔到手買兩盒，佢話要用嚟襯衫」，然後「唔記得自己買咗紫色粉紅色⋯係X記見到平又執咗兩盒返屋企」。
發文者之後越找越多，發現第三款不同牌子的紫色口罩，「我又摷到第三隻紫色口罩！」。過了不久「佢（媽媽）話見人帶黃色幾靚，又去買咗兩包黃色，仲要係無獨立包裝」。
新年前夕媽媽又去入貨，豈料第五波疫情殺到，「新年個陣，諗住去拜年個陣可以帶賀年口罩影下拜年大合照⋯⋯ 點知就限聚令，無得拜年⋯ 又有一疊係新年限定嘅口罩」。連布口罩也榜上有名，「見師奶friend 帶布口罩，又買，買完又唔用」。
媽媽嫌棄布口罩後，「另一個朋友又吹水話呢款口罩無咁焗，又買咗綠色個款口罩」。媽媽還不心滿意足，朋友說網購南韓納米口罩一元一個，「又團購疊單買咗一紮⋯⋯ 但佢話呢款口罩好焗，又唔多鍾意用」。
發文者之最後總結，一家人實際上很少出街，家中地方又淺窄。「望住啲口罩好想喊⋯⋯ 我阿媽可能有種病⋯ 收集口罩失控症⋯⋯係咪每個屋企都有一個收集控嘅屋企人，我暈啦」。發文者指，不知如何消耗這些口罩，「我覺得係佢啲師奶朋友影響。成日問佢要唔要一齊買」。發文者又點算過有幾百個口罩。「用到出年新年都用唔晒，真係喺時間要忍手」。
帖文轉載自「OMG😰阿媽收埋超多多多多口罩😷」
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
