古巨基自從兒子Kuson出世後，專心留在家中做湊仔公，早前他在社交網上載囝囝的高歌短片，Kuson拎住支咪唱歌，音樂感相信是遺傳自父親。而基仔昨晚（4日）再公開新片，已兩歲大的Kuson坐在兒童專用梳化上練鼓，拍子感很好，而且打得好投入，身為爸爸的基仔當然不會錯過囝囝的表演，拍片記錄愛子的成長。
基仔期待父子同台表演。
基仔對兒子的興趣好支持。
基仔寫道：「我哋之前買玩具俾Kuson都會買啲樂器玩具，小keyboard 呀、ukulele、xylophone.....不過都係偶然玩一玩。但係唔知點解Kuson早排成日問我話想play drum，於是買咗玩具鼓，早兩日亦送到來，算係兒童節嘅禮物。呢兩日無論瞓醒覺、食飯前、食飯後、臨瞓前，都係打鼓！我覺得好神奇，佢好似好知道自己嘅興趣、天份，自己揀咗一樣我冇特別推薦俾佢嘅嘢～睇見佢咁投入打鼓，幻想下將來Kuson會唔會同爸爸同台演出呢？佢咁鍾意打鼓，唔通因為我幫佢改名叫Kuson？鼓神？ #古晋匡的第一個興趣 #Kuson小鼓神 #第時搵KB教佢 #祝所有大小朋友兒童節快樂健康」，有心栽培的話，可能過幾年已睇到父子同台演出。
Kuson打鼓好投入，仲日打夜打。
Kuson表演慾好強。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
