有將軍澳居民食了由未來生產的茄汁？有網民於社交平台於facebook群組「將軍澳主場」發文，指昨日食完麥當勞後，發現所用的茄汁，其包裝袋上竟印有兩行數字，分別為「26 04 22」及「11 07 23」，「生產日期？『26 04 22』，但今日明明係『05 04 22』，唔明......我食咗未來的茄汁？ 定係呢個只係編號？」，於是向各位網友請教。
多名網民紛紛留言，其中更有人笑指：「未來的你，留畀你嘅訊息，可能一滴茄汁係用嚟發電一年，你一下唧晒成包？！」、「正嘢呀回到未來」、「穿越返嚟嘅茄汁？」、「證明有時空旅行者，過來前食過M記仲袋咗包茄汁」。
不過，其後有多名網民留言解釋，指茄汁包裝上兩行數字的真正意思，茄汁包裝上第一行數字是指最佳食用期限，第二行則為工廠生產序號，「第二行11係生產編號，0723係生產時間」。另外，亦有人指茄汁正面的包裝已列明有關資料，所以該包茄汁是沒有問題，可安心食用。
來源：facebook群組「將軍澳主場」
立即下載｜全新《星島頭條》APP：https://bit.ly/3yLrgYZ
有網民解釋茄汁包裝上第一行數字代表最佳食用期限，第二行則為工廠生產序號。
有網民昨日在麥當勞食快餐，發現茄汁上的日期為「26 04 22」。
