陳穎欣 （Yanny）早前與同門徐頴堃（Erica）及梁式昕（Catrina）分別為香港開電視節目《疫境中的餐桌》擔任嘉賓，與名廚張錦祥（Ricky）及余健志（Jacky）邊閒談邊炮製美食。提到香港第五波疫情，Yanny直言因工作改期或延遲已有足足一個月宅在家中，她靠網購打發時間︰「因為好多工作都改期或者延遲咗，所以我真係有足足一個月冇出過街，其實我本身都網購多，𠵱家多咗喺屋企，就會心思思好想買啲廚房用具，希望去煮多啲嘢食。」
陳穎欣較少入廚。
由於最近疫情有緩和，工作逐漸復工，故她的廚具仍未「開封」，她笑說︰「啲用具運到過嚟，跟住我又開始開返工，所以又未真係好正式煮到啲乜嘢，但係因為多咗時間，反而用心去經營返YouTube channel，拍返多啲片，同多啲fans交流多啲，同埋分享一下生活。
陳穎欣跟名廚張錦祥、余健志及主持人鄺芷凡同場。
Erica化身「才女」出網上雜誌
至於Erica則透露因疫情減少幕前工作，多留在家中反而忙個不停，她說︰「除咗網上教小朋友英文、幫網上音樂平台打理各種事務之餘，最近亦都同朋友們出版咗第一期嘅網上雜誌。」
此外，為食嘅Catrina笑言今次再上節目留肚品嚐大廚整嘅美食，她笑說︰「因為今次煮嘅美食太吸引，所以最後我同製作團隊『爭食』，係有啲唔夠喉。」疫情下她都留在家中開餐，不過就笑說︰「我當然係負責食嗰位，有試過幫屋企人手下廚，但味道有少少怪，希望今次上節目學到技巧返屋企再試。」
Erica大晒靚腿。
Catrina留肚食大廚整的美食。
徐頴堃食極唔肥。
更多第5波疫情資訊，請到以下專頁瀏覽（按此）
立即下載 | 全新《星島頭條》APP : https://bit.ly/3yLrgYZ
