黃宗澤（Bosco）繼早前以雜誌封面人物身份登上有「世界第一屏」之稱的納斯達克大屏幕後，最近又傳來好消息，他憑電視劇《非凡三俠》入圍紐約電影電視節「最佳男主角」，與其他四位來自巴西、新加坡的演員一同競逐獎項，Bosco表示十分榮幸：「好開心評委鍾意我喺《非凡三俠》入面飾演一個怕死嘅特技人角色，亦好榮幸可以同來自世界各地嘅演員一齊入圍，希望外國觀眾可以多啲認識到香港演員，同埋欣賞到邵氏兄弟製作嘅劇集，絕對有國際級水準。」
Bosco接受《星島娛樂》電話訪問時笑說：「幾好笑，愚人節當日收到樂小姐（樂易玲）通知入圍消息，當時我開緊工，反問她愚人節是否玩嘢？自己也不相信，都唔知真定假，不敢同人講，之後睇完電郵就坐埋一邊眼濕濕。（為何如此感動？）拍戲咁多年，第一次有電視劇入圍，而且咁大型的電影電視節，真係估不到，與不同國家的演員競逐『最佳男主角』，提名已經當攞獎。加上導演鄧衍成已離世，這部劇是他的遺作，大家相識多年，有這個殊榮對他是一個交代。」
之前以雜誌封面人物身份登上「世界第一屏」，問到會否覺得自己今年行運？Bosco開心說：「都可以咁講，登上紐約時代廣場的大屏幕都是大家畀面。（以後會主攻拍電視劇還是電影？）這個時勢，有咩戲就拍，希望有更多好劇本，令更多人看到香港的製作。」Bosco入行多年未奪得視帝，問他會否有點遺憾？他直言沒有諗過，因為他不在意拍甚麼劇得甚麼獎。
Bosco入行逾20年，參演過不同電影、電視劇，2013年憑《護花危情》封新加坡視帝，2014年憑電影《男人唔可以窮》榮獲第6屆《歐洲萬像國際華語電影節》「最佳男主角」，首度獲封影帝，成績有目共睹，他同時參演多部膾炙人口的劇集，如《我的野蠻奶奶》、《賭場風雲》及《潛行狙擊》等，深受觀眾喜愛。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
