麥明山自爆近日甩拖回復單身胞妹麥明詩咁叻女感自豪

十優港姐麥明詩（Louisa）的哥哥麥明山，現職是醫生，近日他接受網上頻道節目《活好身心靈》的訪問，跟主持兼是他舊同學的文橋康分享自己如何減壓，又首度公開大談與妹妹Louisa的相處及對她的看法，而訪問途中麥明山透露剛剛回復單身，他笑言：「我寧願考試肥佬，都唔想溝唔到女，因為唔想一個人過聖誕。」

問到會否因妹妹出色而感到壓力？麥明山表示：「其實我反而幾自豪，我覺得妹妹咁厲害，我同佢之間冇因為比較而覺得唔開心，或覺得自己被標籤。佢反而最唔開心係成日被其他人話係我家姐，佢話好多人睇相時以為佢大過我，佢呢樣唔開心，所以我也再次重申佢係我妹妹。」雖然妹妹會考10A，又在劍橋大學畢業，但麥明山不會認為Louisa較自己厲害；或他較妹妹厲害，兩人絕不會作比較，即使是父母也從不會將兩兄妹；互相或跟其他小朋友比較，他們反而重視自己的内在價值，要懂得欣賞自己長處，看到自己的問題則改善。

麥明山回復單身，絕對是城中筍盤一名。

麥明山受訪分享自己做醫生之餘，如何釋放壓力。

麥明山（右二）做醫生工作十分繁重。

麥明山（左三）同樣是高材生。

一家人關係親密。

麥明山又表示：「我最欣賞妹妹係一個好清楚自己要咩嘅人，而佢係會朝住目標去做，我覺得唔係每個人都可做到佢嘅層面，好多人可能有好多嘢想做，但可惜都只係3分鐘熱度。」麥明山形容自己是一個蠻外向的人，所以他願意跟其他人傾訴，他會找最信任以及最親密的人；如家人或朋友傾訴，過程可以助他紓緩壓力，麥明山謂：「我會搵Louisa傾訴，佢係一個好好嘅聆聽者，都係一個好聰明嘅人，所以佢都會畀一啲好好嘅意見畀我解決問題。」

而Louisa 最近在社交平台回應哥哥的訪問，她謂：「其實我由細到大都覺得哥哥叻過我（我只不過係讀書比佢專心）。而且，我功課、溫習唔識嘅時候，佢都會教我！ Actually, I guess 最叻都係阿爸阿媽啦！」