近年香港部分人因種種原因選擇移民海外，有網民在「親子王國」討論區發文，稱她已移民外地，但收入只剛剛好夠一家人用，又要在外供樓，所以無再匯錢供養在港的父母，近日被親友問起此事，她稱「因都有第二啲親友都無畀錢在港家人，咁是否好有問題」。網民有不同看法。
發文者透露，父母有寄物資給她，她亦有吩咐父母幫她再購置物品。「但我而家啲錢係我老公畀嘅，我唔敢拎啲畀我父母，好似好衰咁」。她有兩名胞妹，有同對方說她無能力供養父母。至於為何要移民，她解釋，「我為咗小朋友第二時可以係外邊自由啲，可以有多個保障，我趁而家呢個機會非走不可」。
近年部分香港人選擇移民海外。資料圖片
有網民就認為，「咁其實唔關移民事，你移唔移民，多少都應該畀父母，呢樣唔使父母開聲。不過你地只諗移民，點解唔將父母零用納入開支？」、「當然需要畀錢父母生活啦！莫講係移民，當年自己自費去讀書都準備好一年嘅家用畀媽咪先離開香港。離開香港係個人選擇，唔代表子女嘅責任就唔需要負，自己走咗唔代表父母唔使食飯！」。
有人就認為是否供養父母應該是移民前已經考慮清楚，「你移咗民啫，你父母嘅生活照舊，唔覺得有懸念，除非你本身在港都無畀家用，否則，少有少畀啦，移民前應該要考慮嘅因素」、「呢啲嘢應該喺移民之前一早同父母傾清楚，兼且仲要諗吓自己係咪真係有能力先至好去移民，而家移咗民又發現自己經濟能力緊緊夠先至諗呢個問題好似遲咗呢！」。
不過也有人指出，移民開支負擔沉重，現實總是難以兼顧，「好多移民嘅唔掉轉叫父母匯返錢去英國救濟都算唔錯...移民有幾多個真係仲養返父母啊？個個都係掛住自己啲仔女多...有閑錢都喺外地畀仔女用啊」。
帖文轉載自「移民後重有無匯錢俾在港父母養佢地？」
立即下載｜全新《星島頭條》APP：https://bit.ly/3yLrgYZ
