吳卓羲（Ron）、譚耀文與黃德斌等今日到九龍灣出席電影《逃獄兄弟2》優先場謝票宣傳，三人一同受訪時，均表示對戲院能夠重開感到開心，譚耀文說：「知道戲院暫停下，有好多人在非法平台睇咗，但大家都可以再入去感受戲院有不同，亦因為暫停咗一段時間，因此第3集將緊接推出。」德斌表示是好事，大家睇完第2集好會想快睇到第3集，問到可有機會拍第4集？三子坦言未知，要睇觀眾反應。
眾星現身為電影《逃獄兄弟2》優先場謝票進行宣傳。
黃德斌與譚耀文（右）襯晒色到場。
Ron今次加入《逃2》，被德斌形容好打得，是將來的動作明星，他即笑說：「咩歲數呀？做動作明星，仲要係將來式！」他透露今次是眾人中的麻煩友，算是反派，在劇中「搞搞震」感覺很好玩，問可怕因角色被觀眾討厭？他笑言是好事，證明觀眾睇得投入，問是否不能帶女仔去睇？他表示：「我阿媽同家姐都一定會鍾意我。（咁唔帶緋聞女友菊梓喬睇？）我諗鍾意我嘅人都會入場睇，唔理之後鍾唔鍾意我啦！」
譚耀文（中）與黃德斌都好奇吳卓羲（左）有冇拖拍。
吳卓羲被戴高帽指好打得，反問自己「咩歲數」做動作明星。
提到菊梓喬被指到Ron的寓所夜會，或者帶返屋企睇比較好？Ron表示：「大家查清楚先，那棟不是我屋企。」問到當晚是否一齊？他即搖頭否認，身旁的譚耀文即起哄笑說：「係兄弟面前老實點好喎！」Ron則指講的都是事實，在譚耀文「助攻」下，再問是否單身還是有拖拍？他即拉開話題說集中講電影，譚耀文再以「人生如戲」逼供，Ron無奈說：「譚哥以為你會幫我，好啦喎！」譚耀文再與德斌取笑指Ron好武功，相信是能保護女伴的好老公及好男友。
菊梓喬在活動上不斷被提及。
張繼聰都有出席。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
