TVB和芒果TV攜手合辦的音樂節目《聲生不息》上周日播出後引起網民熱議，內地無論微博或微信等均瘋狂洗版，其中獲封為「TVB驕傲」的炎明熹（Gigi）在首集獻唱已故香港歌手陳僖儀的名曲《蜚蜚》盡顯唱功，大獲好評，其微博粉絲人數一晚激增逾6萬人，現時高達16萬5千粉絲追蹤，就連陳山聰未夠兩歲的囝囝Jaco亦成了Gigi的忠粉。
Jaco眼定定睇Gigi表演。
拎住個咪唱番兩句，扮嘅啫。
一聽到間場音樂，Jaco就即刻拍手。
Gigi嘅歌聲真係感動人心。
陳山聰日前在社交網上載短片，只見Jaco拿起玩具咪高峰，眼定定望住熒幕上的Gigi，相當興奮，更扮跟住唱，當音樂間場時，他更放低咪高峰拍手，又舉起手指公隔空畀Like，並再次拿起咪高峰再扮唱，場面相當搞笑。陳山聰笑指囝囝有台風，寫道：「大佬你幾時鍾意咗炎明熹㗎？咁有表演慾嗎？」姚子羚則表示：「老竇～仲唔快啲同佢一齊返整個組合出道」，而炎明熹亦有留言，上載3個臉紅紅Emoji表示：「蟹蟹(些些）」。
當然唔少得要畀個Like。
Gigi見到都有留言講多謝。
Gigi又多個小粉絲。
Jaco咁搶鏡，搞到爸爸陳山聰成日變咗配角。
更多第5波疫情資訊，請到以下專頁瀏覽按此
立即下載 | 全新《星島頭條》APP: https://bit.ly/3yLrgYZ
