為了要坐搭霸王車，可以去到幾盡？一名的士司機在社交網facebook群組發帖指被人利用同情心，呼籲同行注意。
該名的士司機在社交網facebook群組「的士司機資訊網 Taxi」發帖文指，上周六（23日）晚上在沙田愉翠苑接載一名男乘客，該男子一上車就聲淚俱下，頻頻抹淚，指示要去旺角山東街，話到達後會放下100元，落車去接媽媽上車，再原車去沙田威爾斯親王醫院。
原本他要在亞皆老街落車，其後又改去銀行中心，司機指銀行中心很難停車等候，叫他不如先付車費，再搵第二輛的士。但該男又再聲淚俱下指要急接媽媽：「去見老竇最後一程」，司機「見佢成面眼淚就衰咗」，只好讓他落車。
但等了10分鐘，仍未見他回來，心感不妙被人「攞個老竇出嚟坐霸王車」。
有同行認出該名男乘客是慣犯。fb
帖文一出，多人紛回應：「揸的士真係唔可以做好人，要落車一係就俾錢，一係就差館」。亦有人認出該名男乘客是慣犯。
亦有另一的士機疑於前天（25日）遇上同一霸王客，發文指，接載一名男子在九龍灣上車前往彩霞邨，一上車即抹淚，表示「我阿媽跌親」，又指身上無錢，連聲說「唔好意思」，「多謝你呀哥哥」等。
司機指，認得他在「的士界太出名」，是慣犯，因此全程只回應「得啦」，最終沒收取車資。他又指此霸王客可能已由沙田搬至彩霞邨，籲「東九龍師兄師姐多加留意
」。
立即下載｜全新《星島頭條》APP：https://bit.ly/3yLrgYZ
