曾江昨日（27日）在隔離檢疫的九龍酒店房間內猝逝，其女兒曾慕雪和老公及兩位親友一行4人，今早抵達葵涌公眾殮房認領遺體及辦理相關手續。約一小時後，曾慕雪和老公一起接受傳媒訪問，她表示已見到爸爸的遺容，至於其他情況暫時不便多講，因為自己及家人仍在接受事件中，不過，多謝外界關心爸爸，亦希望大家記着爸爸年青、靚仔、好戲的一面。問到知否爸爸身體有何不適及心臟是否有問題，曾慕雪表示：「都幾十歲，正常老人家身體狀況，少少高血壓，都係正常老人病。大家都知道佢係一個貪玩鍾意食，鍾意享受人生嘅人，希望大家記住佢呢一面。」
報道指曾江離世前一晚因身體不適，家人曾送藥到酒店，有否追問酒店有沒有將藥送給爸爸？曾慕雪表示：「唔再討論呢啲，老實講發生咗都冇咩可以處理。」會否覺得酒店要負責？曾慕雪只說：「有好多嘢唔係檢疫酒店可以做到，亦唔係大家想像中會發生嘅事，好多嘢需要應變。」
曾江昨日在檢疫酒店內猝逝，享年87歲。
曾慕雪（左）跟丈夫（左二）一同到葵涌公眾殮房。
由親友陪同下到場。
至於爸爸的喪禮，曾慕雪表示家人仍在商討中，暫時也是傾向低調，因為焦姣性格也是低調文靜。爸爸生前可有談及自己身後事？曾慕雪謂：「佢都好坦然同埋唔怕，覺得幾十歲要玩、食同瞓，但點樣都好，都是好突然，其實冇病冇痛大家都好放心。」談到爸爸跟自己最後的說話是甚麼？她謂：「話要保持聯絡，佢食好西同埋去到好玩嘅地方，都會同我分享。」
忍痛接受傳媒訪問。
神情哀傷。
抱着悲痛心情為亡父處理後事。
更多第5波疫情資訊，請到以下專頁瀏覽
按此
立即下載 | 全新《星島頭條》APP : https://bit.ly/3yLrgYZ
