薛家燕為好友曾江猝逝大感難過，平復心情一天後，今日才作回應，她表示昨日（27日）接到曾江離去消息，表示非常難過，「我根本係接受唔到，因為唔相信佢就咁就走咗，好唔捨得呀！」去年年尾家燕姐邀請曾江為香港電影資料館二十周年做訪問，對方都賞面受訪，談到從影經過並請了好拍擋雪梨姐一齊傾當年合作往事，懷緬一番，大家談笑風生，傾得非常開心，「做完個節目仲話遲吓約食飯，大家多啲聚吓，點知過年期間疫情嚴重，所以都冇再約，好可惜咁就冇辦法再見到佢嘞！」
曾江去年底作客薛家燕電台節目大談當年合作往事。
薛家燕憶述年少時在片場，曾獲曾江教導做功課。
家燕姐又盛讚曾江在大家心目中是位好演員，萬事皆能，演戲精湛，樣樣皆精，出水能跳，入水能游，學識豐富，和他工作獲益良多，家燕姐也獲曾江教識好多嘢，「尤其是我十幾歲時，同佢拍戲佢仲教我做埋功課，幫我好多忙。後期我有幾次節目，佢都特別上嚟撐我，支持我。」家燕姐坦言失去這樣一位好朋友十分難過，昨日（27日）跟寶珠、芳芳說起曾江，大家都感到很不捨得希望他一路好走，並跟焦姣、曾江女兒及家人講節哀順變，大家一齊悼念、懷念他。
曾江（右五）曾多次現身力撐薛家燕（右七）的節目。
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
