現身處蘇格蘭的喬寶寶，今年2月底帶同80歲嘅喬媽媽、大仔「印度豹」夫婦及喬孫孫到加拿大出席寶寶姨甥女婚宴，順道旅行，三代同堂玩足一個月。原來期間喬寶寶都心掛掛，因為留守家中照顧細仔及愛犬嘅喬嫂嫂中招患上新冠肺炎，幸而症狀唔算太重。而喬寶寶返家時，喬嫂嫂經已康復。
2月底喬寶寶和媽媽到加拿大時和兄弟姊妹相聚。
加拿大之行三代同堂，喬媽媽超開心。
原來當時留守喺蘇格蘭嘅喬嫂嫂確診了。
4月初時又到喬媽媽不幸確診，他說：「畢竟媽媽年紀大，所以都好擔心佢，香港朋友知道之後分別寄來中成藥及蟲草產品，我就同媽媽及喬嫂嫂開心share，媽媽真係好堅，佢喺一星期內由呈陽轉陰，而且精神都唔錯，咁我就喺社交網發文多謝送物資嘅朋友，可能自己中文程度唔好，靠翻譯產生誤會，講到係我中咗招咁，直至朋友打嚟問候我病況，先發覺原來係個美麗嘅誤會。」
媽媽回家後又病埋。
好彩冇傳染畀得6個月大嘅喬孫孫。
喬孫孫腳頭好好。
寶寶再向大家報平安，叫大家放心：「我冇事呀！哈！可能有偷食畀阿媽嘅蟲草，所以同一屋簷下都冇受感染，5月仲會去美國登台，唱足3場。由於媽咪經已痊癒，所以都好安心出發，半歲大嘅喬孫孫亦冇被傳染。」寶寶又指喬孫孫腳頭好好，除咗旺佢，有得賺外快外，喬孫孫健健康康，精靈活潑，真係人見人愛。
寶寶報平安指自己十分健康。
喬孫孫好精靈可愛。
更多第5波疫情資訊，請到以下專頁瀏覽（按此）
立即下載 | 全新《星島頭條》APP : https://bit.ly/3yLrgYZ
