近年積極喺美國發展嘅「男神」吳彥祖（Daniel）參演過多部荷里活電影，也是美國有線電視台AMC劇集《荒原》嘅主演和製作人。雖然他已移居美國，但仍然相當關心疫情下嘅香港人，尤其係無助嘅基層市民。最近Daniel就為「仁濟抗疫基金」拍咗條宣傳短片，片中47歲嘅Daniel精神奕奕，留有鬚根顯得更Man，依然係個型男。
「男神」吳彥祖好有善心。
雖然廣東話啲音歪歪哋，但勝在講得好搞笑。
由於好耐冇講廣東話，Daniel嘅廣東話明顯有啲退步，片段中他說：「新冠疫情經已超過兩年，仁濟醫院董事局希望可以籌集更多資源，為弱勢社群提供援助同服務，請捐助仁濟抗疫基金，協助弱勢社群，一齊共渡難關。」條片短短得幾十字，Daniel睇嚟講得有啲吃力，但就十分落力，他竟將提供援助同服務讀成提供援助「通」服務；又將希望可以籌集更多資源，讀成「起碼」可以籌集更多資源；一齊共渡難關讀成一齊「公道」難關，相當搞笑，Daniel鬼鬼地口音反而突顯可愛一面，其善心更獲讚賞。
雖然吳彥祖已移居美國，但仍然相當關心疫情下嘅香港人。
喺美國生活嘅吳彥祖多咗時間湊女。
吳彥祖係美國有線電視台AMC劇集《荒原》主角和製作人。
吳彥祖挑戰「25 Hours Of Thunderhill」賽事並獲得亞軍。
更多第5波疫情資訊，請到以下專頁瀏覽（按此）
立即下載 | 全新《星島頭條》APP : https://bit.ly/3yLrgYZ
