人氣女團COLLAR昨日（29日）推出代言產品主題曲《Gotta Go!》，不過一出街就惹來抄襲爭議，此歌由知名音樂人C.Y. Kong（江志仁）作曲、編曲及監製，但旋律被指與多首日本歌曲相似，其中最撞旋律的部份為副歌，被質疑抄襲日本二人組合YOASOBI的自創成名作《向夜晚奔去》（夜に駆ける）。由於YOASOBI在世界各地都好有名氣，《向夜晚奔去》甚至曾登上「日本Billboard」，因此有YOASOBI的Fans聽到兩首歌疑似撞旋律都有些氣憤。而COLLAR不少Fans都感不滿，認為團隊把關不力，令COLLAR受罪。「連登討論區」即晚已經推爆四個Po，部份網民嘲笑非首次陷抄襲風波的C.Y. Kong是「音樂裁縫」，製作「音樂百家布」，另外有不少網民製作對比影片上載YouTube之外，而抄襲風波在twitter亦引起討論。
同業怒轟C.Y. Kong
C.Y. Kong昨晚（29日）面對網民質疑，曾於IG限時動態連Po三首歌，似乎想表示不少歌曲旋律相近，但未有正面回應網民抄歌指控。電子音樂製作人MAEL昨晚（29日）於IG限時動態發佈多條將《Gotta Go!》音頻，對比《向夜晚奔去》及日本人氣動畫《妖怪手錶》主題曲的影片，認為C.Y. Kong有抄襲之嫌：「再誇張少少？對唔住我係indie仔，唔應該咁多聲氣。Fxxk yall old seafood for killing to this industry.（老XX毀掉這個產業）」、「笑死，做歌就係咁簡單」、「COLLAR首歌啲Chord全部一樣都算，Chorus第2同3句直程係完全一樣」、「如果有個維基page叫『抄歌』，呢個應該要做範例」。
《全民造星》音樂總監兼曾與天后鄭秀文、容祖兒、MIRROR等歌手合作的音樂人CM（李澤民），亦於IG限時動態轉發MAEL的對比影片，並留言表示：「多謝MAEL詳細比較分析，香港做音樂唔容易，希望大家精益求精。」似乎都認同C.Y. Kong有抄歌的嫌疑。
COLLAR Fans：唔想盲撐
《Gotta Go!》MV於YouTube上架一日，已經達到逾25萬點擊，Fans都大讚MV好有青春氣息，拍得好睇，不過卻有不少人留言表示：「呼籲各位真心為COLLAR發展着想嘅Fans唔好盲撐，抄襲係擺在眼前」、「加油COLLAR！我覺得拍得好好！我同時都係YOASOBI忠粉，中段某幾句的確有『夜驅』影子，如果真係有心，令台前幕後嘅努力白費，真係太令人惋惜」、「我本身同時係YOASOBI同COLLAR Fans，所以唔想盲撐」。另外亦有網民湧入C.Y. Kong IG留言批評，希望他正面回應。
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
