身在歐洲的陶傑，周三（27日）晚上為商台節目《光明頂》開咪，談及曾江離世及娛樂圈的問題，更分享對MIRROR的看法。陶傑批評MIRROR只屬虛火，難救香港音樂影視工業，「MIRROR唔係話唔好，你可以喺情感方面向佢哋投射。但係佢12件咁嘅嘢呢，樣樣小鮮肉搓埋一團麵粉拉返出嚟，我唔覺得分得開邊個打邊個囉……你有啲人分到，所以呢啲係虛火嚟，對唔住。MIRROR係救唔到香港音樂工業同影視，因為呢一行係要真材實料，係要深度同內涵。」言論一出，即時「焫焫焫焫焫焫著」鏡粉，在網上掀起一輪熱議。
昨晚（29日）陶傑繼續狙擊MIRROR現象，認為12子能夠走紅，多多少少受近年的政治環境影響。陶傑覺得MIRROR的歌曲稱不上大紅，除鏡粉熟悉外，未至於唱到街知巷聞，他說：「我噚日話到你哋（指MIRROR）嗰種走紅，對香港電影、電視、音樂工業有沒有幫助？我認為幫助不大，為何呢？因為整個形勢，氣氛，並非70年代至90年代中的娛樂生態環境。」
陶傑以歌神許冠傑作比較，認為對方才稱得上爆紅。他續說：「你哋話佢哋係歌星，歌星要有歌先得，你話畀我聽MIRROR唱過邊幾隻歌，全香港，並唔係只有佢班fans。嗱！許冠傑當年嗰隻《打雀英雄傳》，即使冇聽過許冠傑情歌嘅人，喺街邊斬豬肉，小販都覺得好正，呢個就叫做紅喇！」
未知是否愛之深責之切，有網民心水清，懷疑陶傑其實亦是鏡粉。皆因去年7月，陶傑曾隔空為MIRROR成員Anson Lo（盧瀚霆）慶生，在個人社交平分享一張照片，寫道：「慶祝『77盧瀚霆生日』。多謝MIRROR，因為你，七月七日Anson Lo長生殿，這個日子多了愛，而不是恨的意義。」
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
