由馬德鐘、陳煒及湯洛雯主演的TVB新劇《雙生陌生人》，將於今晚在翡翠台首播，劇集正是由「撞樣網站」延伸出來的奇情輕鬆愛情小品。假如你的前度，離開了18年後忽然回歸兼表明深愛著你，但你又已經結了婚，你到底會如何自處？馬德鐘在劇中一人分飾兩角，其中一角是做律師的高收成，他某天發現當年深愛的前度、由湯洛雯飾的俞風，在「撞樣網站」尋找跟自己撞樣的人，內心因而泛起漣漪……
劇中一人分飾兩角，馬神（白衫）要跟替身演對手戲。
陳煒同樣在劇中演律師。
湯洛雯飾馬德鐘深愛的前度。
另一邊廂，馬德鐘分飾與收成長得像孖生兄弟般的巫祺男，正因遭受連環厄運陷入困境之餘，更捲入收成與俞風的「十八年愛的旋渦」中，關係十分複雜。為了修補當年愛的遺憾，收成要求與祺男互換身份，但又因為陰差陽錯，二人周不時要你扮我扮你、再我扮你扮我，弄致笑話連連，嚴格來說馬德鐘要一人分飾四角，演戲經驗豐富的他也坦言拍到神經錯亂：「對調咗身份仲要扮番自己，所以拍嗰陣成日要搞清楚自己有冇錯啦、有冇漏嘢啦，做出嚟觀眾接收係咪會清晰等，個思緒真係會亂，所以係有影響到啲腦神經嘅，我唔單止精神分裂咁簡單，直頭係失咗憶，完全唔記得呢套劇拍咗啲咩。」
談到經常與自己演對手戲，馬德鐘坦言對台前幕後均是挑戰：「我兩個角色好多同場，同埋好多身體接觸，所以要用比平時多3倍嘅時間去拍一個場口，仲要牽涉拍攝同轉妝。」他坦言十分感激替身袁鎮業的付出：「佢係無臉英雄，真係好好，份人好冇所謂，照樣好投入去演呢個角色。同埋我設計角色時係想巫祺男瘦啲嘅，咁啱袁鎮業又比我瘦，咁我瘦番啲大家會似啲。」
馬神飾的另一角巫祺男，與賴慰玲有搞笑演出。
唔通真係太亂，要咁樣寫明先搞得掂？
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
