本港一屋難求，一般家庭平均輪候時間長達6年才可「上樓」，有網民日前發文分享，指有位單親媽媽同事排公屋近十年終於有好消息，惟經理竟因「唔熟電腦文書操作唔想煩」，拒絕為她提供工作證明作最後審批。
一名自稱「泰龍」的網民於facebook專頁「奴工處」投稿，指自己在酒店水療中心工作，其中一名同事是單親媽媽，她兼職美容師，帶住兩位十多歲的子女，並排公屋大約10年，至去年尾她終於有上樓消息，房屋署要求她出示工作證明作最後審批。
樓主指，該名同事向經理要求，希望出信作證明，豈料經理指不可以，亦未透露原因，之後更指該同事為公司帶來麻煩。樓主其後替她向人事部查問，對方回覆指公司能夠提供簡單文件證明，但仍需經理自行處理，「我將個程序講返畀位同事知，等佢自己再同經理溝通，冇幾耐就第5波疫情抖咗幾個月，4月21日開返之後我都冇再見過呢位同事」。
樓主事後得悉經理竟因「唔熟電腦文書操作唔想煩」，而拒絕為該名同事提供工作證明，「最緊要係呢位同事同經理本身係好fd…估唔到咁小事都唔肯幫重要罵人」，最後幸好該同事找到另一公司願意替她寫信，遂立即辭工。
帖文引起網上熱議，多名網民留言指職場上有不少所謂「表面熟內裡生」的同事，「所謂工作上『好fd』都不能盡信」、「無事無幹時就friend，一有小小事就反枱」、「咁小事睇清一個人，值」，不過亦有人認為經理未必有錯，「你要佢做唔擅長嘅野，勇於挑戰嘅有，耍手擰頭嘅有，有時額外嘅野未必個經理錯，幫就人情唔幫道理」。
立即下載 | 全新《星島頭條》APP : https://bit.ly/3yLrgYZ
