尋日母親節，一碌IG群星都係賀母親節Po，有溫馨有感動亦有啲好好笑。
古巨基叫兩歲囝囝古晋匡(Kuson)講Happy Mothers Day，但Kuson就唔多聽老竇話，係咁又跳又笑講Happy Birthday，就算老竇叫幾多次都唔聽，兩公婆對囝囝表現覺得好可愛，係咁狂笑。基仔留言，「我盡咗力喇～祝每一位偉大嘅母親，母親節Happy Birthday ❤️🤡」佢仲hashtag強調囝囝一早已同媽媽講Happy Mothers Day，又話佢唔肯對鏡頭講係因為「可能佢想搞笑啦」仲讚囝囝日常真係好多頂癮嘢。
Kuson完全係迷你版古巨基。
係咁講Happy Birthday。
睇吓古太笑得幾開心。
同嫲嫲關係好好嘅陳家樂，一有時間就會見面，家樂IG亦不時見到兩嫲孫嘅互動，都幾好笑㗎。母親節當然關嫲嫲事，家樂同嫲嫲去酒樓食飯，仲送埋花，嫲嫲話鍾意紥花，但家樂叫佢錫錫，嫲嫲只輕輕用面哄一哄個孫塊面，搞到家樂輕微詐型，「佢以前一定會錫我！！而家嫌我污糟😭😭😭」
陳家樂送花畀嫲嫲。
嫲嫲只係用面哄一哄個孫。
雖然詐型但陳家樂都好好笑容。
另外，有三個仔嘅梁洛施出海慶祝母親節，更獲囝囝送上靚花及蛋糕。而丁子朗及霍汶希都因為疫情未能跟媽媽慶祝只能貼舊相祝母親節快樂。
梁洛施出海慶祝。
收到花。
又收到蛋糕。
啲花好靚。
丁子朗話因為疫情同媽媽三年冇見。
Mani都係因為疫情，今年冇得同媽媽慶祝。
馮德倫同媽媽。
更多新冠疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
