MIRROR成員江𤒹生（Anson Kong）昨日（13日）推出最新派台作品《信之卷》，以J-Rock曲風配合其自細已十分鍾愛的動漫作為歌曲主題，他更化身動漫主角現身MV，一圓童年夢想。
今次的歌曲找來Nowhere Boys的Van作曲、Oscar Lee填詞，並由王雙駿擔任監製，歌曲風格予人有陽光的感覺。而一向鍾情動漫的AK，特別喜歡《龍珠》及《數碼暴龍》，故邀請本地動漫師崔氏兄弟及Tommy Ng攜手炮製MV，講述男主角經歷低潮後，集合眾人力量，戰勝心魔的故事。AK說：「我由細到大都好鍾意動畫、動漫，一直都被當中的美好世界、主角吸引住，更會幻想自己就係動漫男主角。今次歌詞係講大家可以搵返童年時嘅初心，好似動漫男主角一樣勇往直前乜都唔怕，成件事整合起上嚟，就好似動漫主題曲，好適合做埋動漫MV，然後問咗公司又肯俾我做，所以就極度自肥，將自己鍾意嘅動漫元素，擺晒落去，例如裡面會有好多《數碼暴龍》嘅元素，男主角會有一隻好似神獸但又似寵物嘅物體做陪伴。」
似唔似AK？
動漫師應AK的要求去畫。
MV中會有彩蛋。
因AK渴望成為動漫男主角，所以動漫師應要求畫得似他，AK說：「動漫MV可以將所有想像嘅嘢天馬行空放晒落去，角色身邊又會出現好多我平時生活上成日會出現嘅物件，成為咗彩蛋，就好似人哋睇Marvel電影咁，大家睇MV時都可以搵下啲彩蛋喺邊。我都未知彩蛋喺邊，要同大家一齊搵，好似尋寶一樣。」為貫徹整體概念，AK表示早前為單曲拍封面時，也展現樂天的一面：「影嘅時候想似小朋友，可以傻笑望住個天空發白日夢一樣，因為好多時動漫畀我嘅最大感覺，就係咁樣。」
AK為貫徹整體概念，影單曲封面時也展現樂天一面。
AK最新的派台作品《信之卷》MV，已於昨晚上架。
更多新冠疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
