李璨琛女兒李元元 （Lucy）除咗鍾意電影《冰雪奇緣》（Frozen）的卡通人物外；早前更變成「賦二代」（粉絲暱稱），不時在家中大唱張天賦（MC）的歌曲及狂煲MV。
Lucy媽昨天（17日）在社交網貼出兩條囡囡在家中睇MC的短片，並寫道：「仲要問個老竇覺得MC靚唔靚仔，你叫老竇情何以堪呢 #老母喺廁所聽到忍唔住偷笑左一下 #當時老竇應該係心中淌淚甚至乎係淌血 #得啦全世界都知你覺得MC靚仔啦麻煩」。
Lucy好乖咁坐定定聽MC唱歌。
突然回頭問老竇：「你覺得MC靚唔靚仔啊？」
片段中Lucy邊睇邊跟爸爸李璨琛說：「係MC唱㗎喎，都係YouTube，你睇吓」李璨琛則謂：「係喎，你偶像喎！」而第二條Lucy 更語出驚人，搞笑問爸爸：「你覺得MC靚唔靚仔啊？」不少網民都紛紛留言表示想知爸爸的答案及表情，更有人笑言：「李老竇好快冇地位。」亦有網民提議：「MC下個月開演唱會，不如搵Lucy 做嘉賓。」
但片中冇影到老竇反應。
Lucy已變成「賦二代」。
早前又畀老母貼黑圖。
Lucy幾乎日日都咁開心。
更多新冠疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ
