環保支持者與男友因為用不用二手衣櫃問題而鬧翻。示意圖片
近年港人環保意識上升，有積極參與環保的女網民在「親子王國」討論區發文，指打算接收一個二手衣櫃重用，但同居男友卻大為反感，令她思考應否堅持己見。而其他網民就奉勸兩人早日分手。
發文者表示，跟男友拍拖半年，她是環保支持者，經常拿舊物垃圾去回收箱，有物品會放上二手網站賣或者送出。家中需要傢俬都會先看二手網站，但男友並非環保支持者，從來不會做這些循環再用回收行為。
近日發文者與男友同居了，要個衣櫃，我在二手網睇中咗個，我同佢講想耍，可安排人手去搬，「又唔使佢錢又唔使佢搬，佢都reject我，話呢啲咁貼身嘢唔想用陌生人二手嘢」。
發文者說，她當然可買新，但我本身性格就是這麽提倡環保，她於是請教網民「我去拿，佢唔高興，我唔拿，我唔高興，可以點解決？」
不少人就勸告分手，「而家都唔夾點相處一世」、「成間屋樣樣嘢都係二手，你男友就得你一時就唔到你一世，你應該搵返環保友一齊先啱」、「勉強無幸福，揾個環保男友仲實際」
有網民就認為男友合理，「好老實，我唔係環保人，唔鍾意用二手嘢，相識嘅人還可以，陌生人一定NO。」有人就指，「但係真係有人抗拒用陌生人嘅二手嘢佢無問題；你環保亦無話錯。問題係一定要有人妥協，否則點行落去」。
立即下載｜全新《星島頭條》APP：https://bit.ly/3yLrgYZ
