車廂讓座問題不時引起爭議，一名港男於社交平台發文指，日前遇到一名女乘客在地鐵上與其已懷孕38周的妻子爭座位。他又拍下女乘客的樣貌，將照片上載至網上公審，批評其行為過分，引起網民熱議。
該名港男於facebook群組「大埔人大埔谷」發文指，日前乘坐地鐵時，有一名女乘客與其懷孕38周的太太爭位坐，並上載該名女乘客的照片。樓主表示，女乘客上車前便站在他與妻子背後，「直頭跟喺我哋後面跟住同我哋搶位」，找到位置坐下後立即低頭玩電話，「跟住坐喺度玩電話扮聽唔到任何嘢」，他直斥對方人品有問題「無得救」。
港男公審地鐵女乘客，批評對方搶位不讓座。FB圖片
樓主強調自己針對不是讓座的問題，而是女乘客「跑埋去搶位」，質疑對方明知有孕婦仍存心搶座位，「係蓄意同有需要人士搶位」。樓主又指到沙田站有空座位出現時，該名女子「一開始係撳緊電話，見到我行過嗰個位度跟住就揼地加速喺我身後攝埋入去」，批評對方「呢啲行為好唔要得」。
港男稱女乘客與其已懷孕38周的妻子爭座位。FB圖片
帖文引起網民熱議，不少網民認為該乘客行為無任何不妥，「你覺得自己有需要咪直接問人哋，可唔可以讓位俾你囉」、「人哋有畀錢搭車就有權坐」、「好聲好氣攞個位坐應該唔難」；有網民反斥樓主不應公審，「唔係大肚就老奉大晒嘅，人哋都可能有佢嘅需要，唔使公審嘅」、「其實咁小事真係唔應該影人相」。
有網民則分享類似經驗，有孕婦稱「嗰陣大肚都係咁，行緊去坐都可以俾人撞開、攝位坐，就算企位啲人都會撞開你，不過廢事出聲，因為大肚唔係大哂」、「我都大緊肚，冇位坐嘅話搭車都係會照企，我會諗可能人哋嚟m、腰痛好有需要坐」。
資料來源：大埔人大埔谷
