現年35歲的湯洛雯（靚湯）與48歲的馬國明（馬明）拍拖剛滿兩年，經常被追問婚期，靚湯今日以低胸短裙和張天賦（MC）出席《香港結婚節》時笑言快將結婚；並於台上向司儀崔建邦講述夢想中的婚禮。
靚湯說：「小時候曾夢想喺主題樂園舉行，好似喺皇宮咁搞盛大婚禮，但依家只係想請好close嘅人、簡化程序嘅歡聚，希望集中喺一對新人嘅開心喜悅上，因為結婚係為回憶而唔係做騷，想以開心及玩嘅態度進行。」靚湯又透露與男友在這方面已有共識，大家都是朝著同一方向進行，她又笑言：「呢樣啱晒佢，因為佢最喜歡著T恤同牛仔褲。」待嫁新娘自然要fit到漏，靚湯直言對自己的身形尚未滿意，正在做針灸及服中藥減肥。
靚湯和MC今日一同出席有關結婚活動。
靚湯今日悉心打扮出現。
受訪時再問到是否也在調理身體為造人作準備，靚湯即說：「冇咁誇張，係之前用扣喉呢啲極端方式減肥搞到胃炎，依家改用養生方式，個胃已經好好多。」但靚湯卻否定台上一番話、否認快將結婚，她稱是意指疫漸趨緩和可以再作考慮，但即使是考慮也不會立即結婚，始終有很多細節要籌備。
馬明是否都一切聽從她的說話？靚湯甜絲絲直認：「都係，我哋都達成共識想簡單一啲，特別係每年都有大騷、每次着10幾個鐘頭晚裝。」若馬明只肯穿T恤牛仔褲結婚也肯接受？靚湯謂：「我都可以著嚟襯佢呀！」
在台上稱會很快結婚，但台下受訪又否認。
坦認早前以十分極端的方法減肥，絕對唔值得支持。
大家真係好想馬明靚湯盡快結婚。
更多最新疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ
