由余安安、羅敏莊、陳凱琳擔任主持的《日日媽媽聲》第二輯,昨晚(5日)播出第7集,方紹聰(奶仔)帶同餅印媽「美麗姐」齊齊參與錄影。原來奶仔有一位患有輕度弱智的家姐,與爸爸和媽媽感情要好,雖然家姐未能以言語與奶仔溝通,但奶仔笑指二人默契十足:「好多人問我同家姐點溝通,其實我哋由細到大相處咗好耐,所以可能一個眼神已經知對方想點,或者少少嘢我已經知佢係開心定唔開心。」
奶仔又謂十分難忘家姐看到自己在《特技人》中演出後的開心反應,奶仔說:「嗰時成家人一齊食飯,咁啱電視播到我嘅畫面,家姐睇住個電視,企起身好開心係咁拍手掌,仲行出去指住部電視,再行埋嚟攬住我,同其他人客講:『呢個係我細佬』。」說到此處,奶仔硬咽謂:「我嗰刻好感動,我以為我開心,原來佢戥我更加開心。」奶仔續指慶幸在無綫努力工作了十二年後逐漸有人認識,故希望能透過自己小小的知名度,讓更多人關注弱勢社群、尤其弱智人士。
方紹聰帶餅印媽媽「美麗姐」接受余安安(左起)、陳凱琳同羅敏莊訪問。
「美麗姐」與奶仔十足十餅印,「美麗姐」亦都好健談。
![「美麗姐」為生重磅奶仔,搞到塊面爆微絲血管。](https://image.hkhl.hk/f/1024p0/0x0/100/none/559a945dfdeaee68074b74f31b54d7ea/2022-06/022_3.jpg)
「美麗姐」為生重磅奶仔,搞到塊面爆微絲血管。
![奶仔同患有輕度弱智嘅家姐感情要好,一個眼神已經知對方想點。](https://image.hkhl.hk/f/1024p0/0x0/100/none/0a6962e09e50972cfaeca06c4b674709/2022-06/0220.jpg)
奶仔同患有輕度弱智嘅家姐感情要好,一個眼神已經知對方想點。
![一家人好有愛。](https://image.hkhl.hk/f/1024p0/0x0/100/none/01bd90dd92485560e580242f8fecfecf/2022-06/022002.jpg)
一家人好有愛。
為生重磅奶仔爆微絲血管
奶仔媽媽「美麗姐」雖然要同時湊大奶仔及輕度弱智長女,但她依然樂天開朗、沒有怨天尤人,她笑言最希望是自己和家姐身體健康,這樣二人才能一直一起走下去。「美麗姐」還大爆奶仔出生時的小秘密:「佢出世已經有八磅二,我生佢好辛苦,我生佢時因為太用力,塊臉爆晒微絲血管。」「美麗姐」續指奶仔小時候有專屬二人的親密行為、促進親子關係,她說:「我餐餐都要同佢碌咭,我哋用臉嚟碌咭!」奶仔聞言即接招謂:「所以我哋個樣咁似係有原因,我哋依家少咗咁做,會改為請佢食嘢或周圍去。」奶仔又不忘講笑謂:「依家碌咭同錫錫轉咗嚟追女仔,係Work嘅。」又謂希望自己能像媽媽般一直做個開心快活人,場面溫馨。
![方紹聰入行12年,佢話希望能透過自己小小嘅知名度,讓更多人關注弱勢社群、尤其弱智人士。](https://image.hkhl.hk/f/1024p0/0x0/100/none/c199853e4c93c0099d4f4331f1acfa83/2022-06/010_1.jpg)
方紹聰入行12年,佢話希望能透過自己小小嘅知名度,讓更多人關注弱勢社群、尤其弱智人士。
![《特技人》中方紹聰飾演嘅「糯米」因為知道女朋友大咗肚,為搵奶粉錢,不惜接危險工作。](https://image.hkhl.hk/f/1024p0/0x0/100/none/20f985ef633965df70c12925725bc1a9/2022-06/789112.jpg)
《特技人》中方紹聰飾演嘅「糯米」因為知道女朋友大咗肚,為搵奶粉錢,不惜接危險工作。
![「糯米」(方紹聰飾演)親身上陣做特技人--火人。](https://image.hkhl.hk/f/1024p0/0x0/100/none/21263d52be5b068359fed55d866411a1/2022-06/111_2.jpg)
「糯米」(方紹聰飾演)親身上陣做特技人--火人。
是集仲邀請精神科醫生曾繁光(右一),原來「數綿羊」對醫治失眠真係有幫助。
更多新冠疫情資訊,請到以下專頁瀏覽按此
立即下載|全新《星島頭條》APP:https://bit.ly/3yLrgYZ