方力申今日以代言人身份出席大腸癌篩檢測試產品活動，小方表示做藝人食無定時；又暴飲暴食，自己在39歲時首次做大腸鏡檢查，當時發現有瘜肉並切除，怎料相隔年幾後又因痾血再做檢查，幸好只是生痔瘡，小方笑說：「後來發現應該是因為食咗麻辣火鍋，呢幾年對健康比以前緊張咗，身邊有朋友因病離世，最無助係知道自己死期。」
父親節將至，小方指爸爸不是重視節日的人，故當日只是食飯慶祝，笑言平時和爸爸最大的節目是看NBA，適逢近日是NBA總決賽，所以早上都會陪爸爸睇波，又說爸爸愈來愈注重身體健康，每日皆游水半小時，但兩父子無一起游水，小方指爸爸嫌他游得太快，製造太多浪，所以只愛獨自去游水。
方力申出任活動大使，呼籲大家要做大腸檢查。
在活動上小方細心了解。
幾時到自己做爸爸？小方無奈指還未找到合適對象：「家人都放棄我，雖然我都好想，但真係好難搵，呢行又好難主動識女仔，拍拖唔一定開心，如果溝通唔好就會有拗撬，所以要搵個內外兼備又溝通到嘅人唔係咁易。」對於有網民力推他和前女友鄧麗欣復合，小方表示大家是朋友，二人又有認識十幾年的共同朋友，因此一年都有機會見幾次，他不介意朋友們拿兩人舊情來說笑，但講到復合，他只謂不敢講得太肯定，並指二人現時是朋友，閒時也會問候對方。
自爆曾疑有痔瘡而屙血，嚇得立即去檢查。
是否有機會跟Stephy復合，小方不敢斷言否定。
更多最新疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ
