46歲菲傭2016年底來港為美孚一戶人家工作，疑因工作過於繁重3個月後辭職，通知期內在僱主單位內猝死。涉案女傭中心東主今午於死因庭供稱大部份勞資糾紛都依靠中介處理，「冇法例規定agent可以到法庭求助，僱主都當香港agent係垃圾」，而中介收取資方費用，令人覺得偏頗「冇用」，「由得佢哋（家傭）自生自滅，因為冇一個實權嘅人去處理」，建議設立具實權的政府部門作第三方，介入跟進勞資糾紛。
菲律賓籍死者Leonita Arcillas Quinto 2016年12月11日來港，到美孚新村一所住戶工作，協助照顧一家四口包括女僱主、丈夫以及一對兒子，翌年3月19日辭職，4月4日離世。涉案大眾通女傭中心東主李偉康作供憶述死者上班一個月左右曾致電李投訴「做嘢好辛苦，僱主成日投訴做嘢表現唔好，照顧小朋友又要清潔得好乾淨，好攰好疲勞，啲地少少邋遢都要繼續做、重複去做，鬧佢好大聲」，「希望做錯都好，唔好不停鬧佢」。李遂向僱主反映可否減輕工作，減少責罵為雙方協調適應，僱主回應指「呢啲係工人應該做嘅嘢來，如果手腳快啲就唔使做到咁夜」。李續指數星期後雙方上門準備解約，死者表現得不開心、疲累、「耷低頭苦口苦面」，惟沒有提及任何病痛，而僱主不斷「話工人不是，好大聲咁鬧」。
李亦沒有印象曾否跟死者談及僱主此前有不良紀錄。被質疑死者投訴不作紀錄時，李不忿道「我唔係法庭，你可以問晒所有大細中介公司，一日嘅事有好多」，公司僅李一人工作無法一一留下紀錄。何官反問「工人投訴唔需要紀錄？僱主打電話來換工人都冇紀錄？全部都係本末倒置」，李反駁雙方投訴內容均非常常見。何官連番質疑下，李激動回應指「我今日上呢個庭，受嘅委屈好大，我好似做咗受害人當咗我係個僱主，話我害死個工人。我上來協助法庭有機會答得唔好，希望你原諒，但我睇到你好似好針對我」，「我要保障個工人，因為個客害死咗個工人」，而重要檔案即使自己目前沒有保存紀錄，但案發時均早已交給菲律賓領事館或入境事務處等。
李指出大部份勞資糾紛都依靠中介處理，免費提供協助遊說雙方妥協，至於能否改善則不在自己能力範圍之內，「冇法例規定agent 可以到法庭求助，僱主都當香港agent 係垃圾，唔想經agent ，唔想畀一分錢。就因為畀咗錢，所有唔滿意（家傭的事），全部都鬧agent鬧到X街」。李續指因中介收取資方費用，令人覺得偏頗「冇用」，「由得佢哋（家傭）自生自滅，因為冇一個實權嘅人去處理」，而目前制度下，勞工處等政府部門只能處理牴觸法例或合約條款的勞資糾紛，包括薪金、年假等，然而工時長等爭議無法解決。李希望政府能保障工人，如出現不人道對待可由政府跟進，建議設立具實權的政府部門作第三方，介入跟進勞資糾紛。
法庭記者：陳子豪
立即下載｜全新《星島頭條》APP：https://bit.ly/3yLrgYZ
