有網民上載驚險車cam影片，一架私家車在荃灣行車天橋上急速過彎失控，險飛落橋，幸好衝勢為護欄所擋，未有造成重大意外。
根據影片所示，事件發生在本周四(9日)下午3時40分左右，地點近荃灣愉景新城的一條往屯門方向的行車天橋，影片見到肇事私家車在過彎時未有減速，結果自炒先衝向右面天橋石壆，再猛力向左面直撞向護欄，車頭被撞至零件飛脫，車身嚴重損毀，未知司機有否受傷。
影片截圖
影片截圖
影片截圖
影片惹來網民熱議：「佢要多謝路政署的護欄設計和用料要求，否則咁高跌落去我睇凶多吉少。」「無衝落橋，真係要感恩。」「唔跌落橋底算你祖上積福。」
影片截圖
部分網民直指車主過彎太快：「楂咁快過彎，過到就拓海，過唔到就填海。」「呢個彎無孤度，唔係咁易轉，最好收油先入。」「上大斜踩大油頭轆已經飄緊，仲要大斜彎仲要地濕，佢真係唔識feel堂軚架喎。」
影片來源：車cam特警
立即下載｜全新《星島頭條》APP：https://bit.ly/3yLrgYZ
