頭條獨家丨莊韻澄PO推胸照狂收變態私訊開美容院做埋「胸模」吸客

40歲的莊韻澄(原名莊端兒)喺疫市下跟拍檔各投資6位數經營美容店，主打人手推胸療程可以疏通乳腺淋巴及瘦身減肥。為求盡快回本，佢更做埋Model，瞓身拍片介紹推胸療程，見佢本已相當巨型的上圍被推到脹卜卜，真係睇到面都紅晒。雖然做咗「胸模」後惹嚟勁多變態私訊，但莊老闆話生意好咗，上圍又升Cup至32F，最重要老公好滿意，抵消晒收到變態留言嘅唔開心。採訪：方騫平攝影：沈健程場地：七玥能量美容中心

莊韻澄開美容院當然要「自肥」，每日去按摩美胸。

32F莊韻澄做埋美容院生招牌。

第5波疫情影響咗好多藝人飯碗，拍戲產量唔多嘅莊韻澄為咗自救，疫情下大膽投資美容中心：「坦白講冇工開都要生計㗎，我喺呢行搵得唔多，連埋老公(經理人呂成忠Joe)啲錢全部掟晒落去投資，相信有危自有機。」

莊韻澄喺疫市下跟拍檔各投資6位數經營美容店。

私訊被讚好大胸

美容中心只屬小本經營，莊韻澄慳得就慳，自己做埋生招牌推銷療程，披上大毛巾任技師推胸。雖然已有一子「波仔」呂崇滈，近日又宣佈懷有第二胎，但莊韻澄的胸部仍然好有彈性。她說：「女人美胸好重要，個胸挺身形線條都會靚啲，尤其生產過及餵完人奶嘅媽咪，好容易好似波咁洩晒啲氣，會變細及下垂，𠵱家我胸部依然有彈性，仲由原本32E升Cup至32F。」

美容院打算今年初開業，可惜未營運經已被迫停業4個月。

她還自爆推淋巴有助血液循環，膚色都Pink咗！雖然出片後多咗好多媽咪表示有興趣，但亦收到唔少變態私訊留言：「有啲係粗口，有啲留言話『留返畀我幫你推啦』、『好羨慕我老公』、『做唔做男賓其他療程？』、『你真係好大』…甚至有啲難聽到唔可以出到街，基本上我唔會理，佢哋只係鍵盤戰士，話畀老公聽都嘥氣。」

莊韻澄做埋「胸模」，瞓身拍片推介療程。

示範人手推胸過程中見她展露豪乳深溝。

老公好滿意效果

問老公阿Joe係咪非常滿意效果？莊韻澄大笑說：「都係，佢最開心係我調理身子後，咁快再有咗，其實我哋12月尾先開始不設防，而且冇用任何食療及睇醫生。𠵱家佗B 3個幾月，暫時未知仔定女。我最擔心谷奶時上圍會挑戰40F，好恐怖。」問到會否益埋啱啱生完第3胎嘅(前度)張致恒老婆雯雯？她帶點尷尬說：「冇聯絡，我有贊助圈中好友郭奕芯、雪子(鄧詠雪)、樂宜等去推胸。」