電影《被消失的凶案》昨晚（14日）破天荒香港、澳門兩地同步首映，男主角張兆輝在澳門擔大旗，當晚首映禮上跟他於另一套電影《一樣的天空》結下「父子緣」嘅胡鴻鈞（Hubert）及一眾澳門藝人、網紅現身捧場。原來係羅守耀導演忽發奇想話要搞個兩地同步首映禮，輝哥即和應加配合，並坐言起行。
輝哥主演的新片《被消失的凶案》疫情下破天荒港、澳兩地同步首映。
胡鴻鈞都有嚟支持輝哥。
首映上除咗有胡鴻鈞，仲有電影界猛人李力持。
輝哥說：「其實電影公司一直問我『會唔會返港做宣傳？』但我喺內地，於是羅導提議喺澳門同步舉行首映，加上我有澳門朋友包場就撮成好事。原先只係包一場，因為反應熱烈，臨時加多一場，係澳門疫情以嚟，第一個香港、澳門同步嘅首映禮！」
觀眾反應熱烈。
仲包足兩場。
此外，輝哥主演嘅電影《一樣的天空》同時間上映，他對片中飾演其兒子的後輩胡鴻鈞有讚無彈：「佢好珍惜拍電影嘅機會，工作好用心，演出有驚喜！」至於澳門之行來去匆匆，卻好有驚喜，輝哥表示：「真係專登過嚟做宣傳㗎！做完即走，多謝贊助我哋嘅酒店，今次真係好有度假feel。」
輝哥係好戲之人。
片中張兆輝飾演老差骨。
輝哥要四出調查凶殺案。
星島新聞集團慶回歸25周年專題網站，請即 瀏覽
立即下載 | 全新《星島頭條》APP : https://bit.ly/3yLrgYZ
