有無綫「御用癲婆」之稱嘅趙希洛喺TVB劇集《十八年後的終極告白2.0》再度「發功」，演技獲讚。她預言好戲在後頭，稍後劇情會更激，除咗有激動牀戲外，仲會狂摑陳山聰嚟洩憤，趙希洛首次玩真打緊張到不得了，但好感激呢位好拍檔嘅信任及力撐：「佢好抵得諗，係抵讚嘅。」採訪：方騫平 攝影：林建安
趙希洛鍾意睇暗黑真實紀錄片，研究人類心態嚟操演技。
趙希洛有無綫「御用癲婆」之稱，但其實她性格開朗。
劇中剛小產的趙希洛知道老公陳山聰與譚凱琪搞婚外情，雙重夾擊下大報復，一秒變奸，詭異嘅眼神加上陰險笑容，被網民大讚「瘋狂DNA」回歸了。她既驚又喜：「可能大家鍾意我做某一類型嘅角色啦，但我都冇諗過竟然有咁多人留意我，呢啲評語每個演員都鍾意聽到，唯一擔心會被定型，之後被困喺某啲角色上。」
趙希洛大讚陳山聰係最窩心嘅好拍檔。
趙希洛屈譚凱琪推佢落樓梯，之後一秒變臉。
日前有場大露背場口。
打完個心唔舒服
趙希洛認為，《十八年後》最難應付係有場要真打陳山聰嘅戲：「原先劇本冇呢場戲，但睇完劇本，Joyce(角色)當時谷到爆好需要發洩，我同監製要求加返場掌摑戲落去，山聰聽到都一口答應。以前分別借位打過鄺潔楹及李施嬅，但今次首次打落人哋塊面，雖然有避開摑到佢耳骨，但進入狀態太投入時都會打錯位，仲要補鏡位打咗兩次，每次都大大力打到啪啪聲，山聰面都紅晒，真係唔好意思，始終被打嗰個都唔好受。」
一場天台喊戲令人印象深刻。
《金宵大廈2》中趙希洛曾出手摑過李施嬅。
趙希洛喺《金宵大廈》中演癲婆上位。
趙希洛在《萬千星輝頒奬典禮2019》憑《金宵大廈》奪「最佳女配角」。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
