一班亞姐包括林寶玉、薛影儀、譚夢娜、梁欣娟等今日出發到馬來西亞拍攝飲食節目及亞姐宣傳片，不過林寶玉因另有工作關係，要下月才能起行，又說不擔心阿儀，因有其他同事幫忙照顧，笑言已叫同事一有事就打電話給她。
她們此行去一個月，其他亞姐都帶了不少行李，惟獨阿儀只帶了一個小行李箱，她說：「知道有啲佳麗帶咗20套衫，我只帶咗幾套，冇乜嘢帶，我第一次去馬來西亞，又可以去水上樂園玩，心情興奮。（帶了幾多套泳衣？）一套，唔使帶太多，唔係三點式，係一件頭。（事前要Keep fit？）我經常有運動。」
左起：袁群有、林寶玉、薛影儀、陳美儀、譚夢娜、梁欣娟
阿儀此行會拍攝飲食節目及亞姐宣傳片。
阿儀話未去過馬來西亞，所以好興奮。
經理人林寶玉要遲啲先過去，話唔擔心阿儀。
林寶玉則透露除了拍節目和亞姐宣傳片外，也為阿儀安排了粉絲見面會以及首映活動，公司會為她準備出席活動的衣服，阿儀則表示在香港曾舉行過粉絲見面會，之前都有在網上與馬來西亞的粉絲見面傾計，而一班亞姐推着行李車出發時，阿儀更叫大家玩得開心點，未出發先興奮。
其他亞姐都拎好多行李，惟獨阿儀得一個「喼仔」。
林寶玉話已搵同事照顧阿儀。
當年阿儀穿上唔知係泳衣定內衣上台，表現自信一面。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
