張彥博參加內地歌唱比賽難忘親生父母與繼父母合體打氣

由余安安、羅敏莊、陳凱琳擔任主持的《日日媽媽聲》第二輯，昨晚（19日）播出的第9集，請來雨僑、章志文及張彥博擔任嘉賓。張彥博（Bob）於單親家庭長大，後來親生父母各自再另組家庭，Bob坦言當初對爸爸再婚確實有反感：「我諗單親家庭嘅小朋友，都會幻想父母會唔會喺番埋一齊，當時唔敢問佢哋，怕傷害到佢哋。後來到媽媽再婚，我都成長咗同埋有拍拖經驗，所以都體諒佢哋其實都需要個伴。」Bob續指與繼父繼母關係不錯，並很感激繼父幫忙照顧媽媽，讓他可以在娛樂圈全力拼搏。談到與家人最難忘的事，Bob透露之前在內地參加歌唱比賽時，親生父母及繼父繼母一同現身為他打氣，他說：「真係好感動，睇番啲片見到佢哋企晒起身，好忘我咁幫我打氣，呢個畫面一世人都唔會忘記！」

張彥博同屋企人感情好好。

張彥博喺單親家庭長大，親生父母後來各自另組家庭，佢亦都好感恩同繼父繼母關係都唔錯。

Bob跟96歲嫲嫲感情同樣要好，5歲前由爺爺和嫲嫲湊大的他，笑言嫲嫲經常有睇電視捧他場。Bob大前年更邀請了嫲嫲為新歌拍攝MV，他說：「嗰時都係膽粗粗，因為要過好多長輩關，嫲嫲就好開心，即時話要做。其中一個Shot係我拖住佢行，諗番起細個時嫲嫲成日孭住我行，而家大個咗拖番住佢，仲可以喺自己MV出現番，真係好感動！」

張彥博同嫲嫲感情同樣要好，最難忘係邀請到嫲嫲拍攝MV。

MV中手牽着手，好溫馨。

另一嘉賓雨僑與老公羅力威愛得甜蜜，婚後育有一女。雨僑透露懷孕期間，老公對她無微不至，原以為老公將來湊BB亦會得心應手，豈料只是錯覺，更是「豬隊友」！雨僑指生完BB後，由於沒有請工人姐姐和陪月，全靠家中「長老」幫忙，而老公對如何湊BB則無從入手，餵奶、換衫及換片均有困難，她說：「幫BB換衫佢一定揀扣鈕衫，但係下半身永遠冇扣好。」

爆羅力威表達能力不及囡囡

雨僑又力數老公四宗罪，包括「冇起身照顧BB」、「永遠餵唔到奶」、「爆片處理唔到」及「連BB都向佢Say No唔畀抱」。雨僑又指與囡囡是「前世仇人」多於「情人」的羅力威，連帶囡囡報讀幼稚園都會出事，雨僑說：「老公平時講嘢會比較緊張，所以事前記低咗啲答案，當老師問到小朋友嘅喜好時，老公衝出嚟話：『我小動物最鍾意小朋友……』佢調轉晒啲前前後後！」雨僑笑指囡囡現在雖然只能說簡短句子，但表達能力都比爸爸好。