郭嘉駿（193）、郭奕芯和譚凱倫今日錄影ViuTV節目《晚吹—戀講嘢》，193的粉絲送上飲品和蛋糕應援。193透露上午錄影的內容以性事為主題，兩位女主持更愈講愈「鹹濕」，要好好拿捏尺度，但193笑言不會覺得尷尬，因為見到她們都不會有畫面、有遐想。譚凱倫就笑193如見到靚女就不能控制自己，他即澄清強調不是只喜歡靚女，是著重對方心靈和內在美，不看外表；只看身材。
譚凱倫（右）與郭奕芯受訪時，笑指193如見到靚女就不能控制自己。
郭奕芯（左）表示會在節目中分享自身經驗。
問到會否敢於分享自身經驗？郭奕芯笑言會，又說會以輕鬆的手法探討時下年輕人對性的看法，193則指自己不敢言：「我只是鍾意鬧人，是潑婦罵街，不是敢言，偶像唔講呢啲嘢，連屎都唔可以痾，盡量會講返愛情，不過因為大家太熟，有時講得太投入會過咗火位，但節目組會剪走。」問到會找ERROR做嘉賓？他說：「暫時不會，怕他們太多嘢講會太juicy，所以嘉賓都是以素人為主，如果搵得太勁的藝人做嘉賓，個節目應該就快摺。」
193指兩位女主持愈講愈鹹濕，但他不覺得尷尬。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
