鄭嘉穎和陳凱琳（Grace）婚後育有兩名兒子，大仔鄭承悅（Rafael）轉眼間已經3歲，而細仔鄭承亮（Yannick）亦快將2歲，Grace不時於社交網大晒幸福家庭照。而向來有仔萬事足的嘉穎，日前趁不用開工便陪兩個寶貝仔，一家四口去睇卡通片，原來兩個囝囝是第一次到戲院，難怪表現得相當興奮。
一家四口去睇卡通片。
個公仔仲大過Yannick。
嘉穎昨天（5日）便在社交網分享了照片及短片，相中見他抱住大仔Rafael，一臉慈父的樣子，更買埋爆谷；而另一條片，細仔Yannick見到Minions的吹氣公仔時，興奮得手舞足蹈，十分可愛，嘉穎寫道：「第一次帶兩個仔去戲院睇戲，兩個字：興奮！」看來這位廿四孝老竇非常享受快樂的親子時光。網民都大讚兩個仔仔非常可愛，更有人指大仔Rafael 與嘉穎十足餅印。
鄭嘉穎抱大仔影張相。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
