張敬軒（軒仔）、葉巧琳、黃妍今日出席於將軍澳舉行的活動，各人獻唱3首歌曲，吸引數百歌迷到場。軒仔表示這次是演唱會後首次公開演唱，獻唱新歌時似生仔般緊張，因他對音響要求好高，自覺唱得未夠完美，聲言要加緊練習。此外，軒仔知道粉絲事前通宵排隊等派籌入場，自爆收工後凌晨3時專程來商場勸籲粉絲回家，但粉絲仍繼續輪候。軒仔表示很開心大家來支持，體驗新一代追星和應援方法，但也擔心她們的安全，他說：「見佢哋大部份都係10幾歲，我都忍唔住講如果我係佢哋老竇就會教訓佢哋。」
軒仔今日現身活動，獲不少歌迷到場支持。
現場真係好多人。
同場仲有葉巧琳（右）及黃妍。
軒仔唱新歌，竟然形容好似生仔咁緊張。
軒仔表示近幾次活動有很多粉絲來支持，要借機會叮囑她們要小心，因有粉絲在社交網私訊他，得知之前在活動時有一、兩位男士用身體部位觸碰女粉絲，覺得對方行為惡劣，亦因此凌晨到場勸告粉絲回家，更有粉絲家住天水圍，他當時說不如親筆畫一張入場籌送給她們，軒仔指新一代歌迷有自己的支持偶像方式，都無論如何也要安全第一，自己終於明白老竇10多年前面對他反叛時的感受，他笑言真是「嘔血」。軒仔又說凌晨離開時電召租車回家，在電話中已扮南亞裔口音，以為司機認不出他，怎料一上車司機便播他的歌曲，他笑言覺得「好瘀」。
原來軒仔今日凌晨曾到商場勸fans回家勿等通宵。
葉巧琳粉紅色頭好搶鏡。
黃妍穿上短裙騷長腿。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
