「720」是應屆DSE放榜大日子，成績在望，希望一眾考生可以放鬆心情去迎接結果，《星島娛樂》搵來多位人氣偶像包括魏浚笙、JW及馮允謙等，為各位等放榜的DSE考生打氣，鼓勵大家輕鬆面對DSE放榜！
魏浚笙：無論考成點都好，放鬆接受呢個後果，總有一日會更好，加油！
袁澧林：好好發掘吓自己想做啲咩同埋對咩有興趣，祝福你哋！
JW王灝兒：大家唔需要太緊張，盡咗你所能已經得，因為成績唔代表一切。
馮允謙：戥你哋開心都戥你哋緊張，主要平常心，你盡晒力，that's only thing the matters，wish你哋有good luck，加油呀！
連詩雅：就算考得唔好都唔緊要，都總會有出路嘅，最緊要就係放鬆心情。
張繼聰；絕對唔係人生嘅成功或者失敗，應該要喺今次成績汲取教訓、檢討自己，繼續好好計劃自己嘅將來，祝大家有健康快樂同理想嘅前程。
陳自瑤：無論結果點都好，呢個只不過係人生一個階段同過程。
陳敏之：知道你哋辛苦一定有價值，一定會有好好成績，所以放鬆心情好好期待你哋嘅成績表。
鄭俊弘：各位同學仔，加油！但千祈唔好畀咁大壓力畀自己，其實自己做到最好咁就OK喇，加油呀！
朱智賢：各位DSE嘅同學仔，考得唔好都唔使灰心，因為想當年嘅我會考成績都唔係太好，我係repeat咗一年，最好都係努力大學畢業。考得好嘅同學仔就繼續努力！
余香凝：DSE同學仔加油，唔使緊張，個天一定會畀一條最好嘅路你。
麥美恩：成績無咁好嘅同學仔唔使灰心，因為行行出狀元，見到我呢個古裝就有希望呀！
蕭正楠：希望大家放鬆心情去迎接成績，攞到成績之後點都好，高分又好低分又好都唔好放棄，繼續去搵自己鍾意嘅嘢去自己有興趣嘅嘢發展。
黎諾懿：7月20號就放榜喇，考得好嘅當然值得恭喜啦，考得唔好嘅千祈唔好灰心呀，因為有好多出路嘅。
羅子溢：攞到好成績嘅同學仔，我喺度恭喜你！如果成績未如理想嘅同學呢，千祈唔好放棄，再接再勵，嚟緊會有更好嘅未來等緊你。
關心妍：知道你哋會好緊張，或者唔知成績會係點，唔緊要！呢度，關家姐同你打氣，加油！
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
