昨旺角戶外睇波團氣氛熾熱。吳家祺攝
港足承接上月亞洲盃外圍賽出線氣勢，昨起出戰東亞盃。難得足總繼續宣傳，包括在旺角鬧市戶外播波及再安排戲院睇波派對，走入人群炒熱氣氛，相關招數可以常用，成為刺激球市妙著。
港隊比賽成為宣傳本地波最佳方法，今次東亞盃續有一場戲院睇波派對免費招呼球迷，戲碼是七月廿四日香港對南韓，招呼球迷數目由一百五十人變成二百五十人。昨日旺角的戶外睇波團也氣氛熾熱，足總安排港將顏樂楓及余煒廉走入人群。如果相關招數在新球季複製，在聯賽有重頭戲碼時，額外抽調人手安排睇波派對，或者戶外睇波團，足可成為球場睇波以外的另一有趣選擇。
戲院睇波派對吸引力大，可以售賣門票賺取收入，又或者找贊助商包場消化部分座位，讓球迷舒舒服服地享受在冷氣空間欣賞球賽，隨時開多一條新財路。戶外睇波派對或者商場睇波派對，也可以成為大型商場在周末日引來人流的招數，但是否有此空間，仍有待足總和商家開會才知道。推廣足運不能墨守成規，帶領球員在大戰前夕落區宣傳，正是催谷未來球場爆棚扯紅旗的重要一著。（吳家祺）
立即下載 | 全新《星島頭條》APP : https://bit.ly/3yLrgYZ
