張寶兒日前出發往日本拍攝TVB新旅遊節目《45日環遊日本》（暫名），出名是「愛妻號」的袁偉豪亦有現身送機，兩人臨別之際拍下即影即有「四格證件相」，大放閃光彈。節目請來曾走訪130多個國家的「旅遊達人」項明生帶隊，並將與兩位靚女主持分兩Round、用45天時間豪遊日本，全程制霸日本列島4個大島、走遍25個都道府縣，在12,000公里旅程中，更會大歎米芝蓮星級餐廳、入住天價絕景溫泉旅館等，率先體驗疫後日本最新玩意，而張寶兒則是旅程中其中一位主持。
入閘前張寶兒接受《娛樂新聞台》訪問，她透露對上一次出埠已是兩年半前：「對上一次都係去日本，依家去日本要提前安排好晒啲行程，返嚟時嘅隔離酒店同埋機位都好難Book！」今次亦是她婚後首次與老公分開這麼長時間，她坦言感不捨：「有好多嘢要處理，好似屋企貓咪嘅嘢食、老公啲咖啡豆，同埋要交代好屋企啲嘢擺喺邊。」
袁偉豪攬住老婆，真係依依不捨。
原來今次是兩人婚後首次分開咁長時間，又難怪……
兩人影四格證件相留念。
真係睇見都有啲眼濕濕。
提到袁偉豪日前於社交網上載舊照慶祝入行25周年，張寶兒表示：「佢好鍾意Keep舊相，仲會周不時拎出嚟畀我睇，所以都習慣睇佢以前個樣，對佢爆炸頭、長髮Look最印象深刻，唔好整番爆炸頭喇，依家唔興！」抵達日本後，張寶兒曾在社交網做直播，帶網友「眼睛去旅行」，她曾到福井縣的東尋坊參觀，又大晒當地自然靚景，而昨晚（19日）她更拍下素顏樣子，完全不介意以真面目示人，此外又有拍下到金沢21世紀美術館拍攝時的花絮片。
日前公開舊相紀念入行25年。
素顏自拍。
工作中，在美術館拍攝。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
